শিৱসাগৰ : সাংবাদিকৰ সামাজিক নিৰাপত্তা নিশ্চিত কৰাৰ দাবীৰে সাংবাদিকৰ ১,০০০ কিলোমিটাৰ চাইকেল যাত্ৰা আৰম্ভ শিৱসাগৰত৷ জিলাখনত আজি উপস্থিত হয় সাংবাদিক স্নেহাংকৰ চক্ৰৱৰ্তী। শিৱসাগৰৰ সাংবাদিক আৰু দল-সংগঠনে আদৰণি জনায় সাংবাদিকগৰাকীক৷ সাংবাদিকৰ নিৰাপত্তাৰ দাবীত যোৱা ১৭ নৱেম্বৰৰ পৰা চাইকেলৰে বিশ্বনাথ চাৰিআলিৰ পৰা ১,০০০ কিলোমিটাৰ পথৰ যাত্ৰা আৰম্ভ কৰিছিল সাংবাদিকগৰাকীয়ে৷ লখিমপুৰ, ধেমাজি, শদিয়াহৈ বৃহস্পতিবাৰে নিশা সাংবাদিকগৰাকী উপস্থিত হৈছিল শিৱসাগৰত৷ আজি পুৱাই শিৱসাগৰত অসম বাৰ্তাজীবী সংঘৰ শিৱসাগৰ জিলা সমিতিৰ লগতে সাংবাদিক সকলে আদৰণি জনাই সাংবাদিকগৰাকীক৷  আদৰণি অনুষ্ঠানৰ পাছত শিৱসাগৰৰ পৰা পুনৰ যাত্ৰা আৰম্ভ কৰিছে স্নেহাংকৰ চক্ৰৱৰ্তীয়ে । ১ ডিচেম্বৰত  বিশ্বনাথ চাৰিআলিত যাত্ৰাৰ সামৰণি মাৰিব এই চাইকেল যাত্ৰাৰ৷

 গুৱাহাটী : আজি গুৱাহাটী ক্লাবৰ ৰ’টাৰী পইণ্টত সদৌ অসম ১০৮ মৃত্যুঞ্জয় কৰ্মচাৰী সন্থাই প্ৰতিবাদ সাব্যস্ত কৰে৷ মৃত্যুঞ্জয় ১০৮ সেৱাত কৰ্মৰত ইএমটি পাইলট আৰু ইআৰঅ’সকলৰ চাকৰি নিয়মীয়াকৰণৰ দাবীত সাব্যস্ত কৰে তীব্ৰ প্ৰতিবাদ৷ প্ৰতিবাদকাৰীসকলে অন্ধ্রপ্রদেশ, তামিলনাডু আদি ৰাজ্যৰ আৰ্হিত অসমতো মৃত্যুঞ্জয় কৰ্মীসকলক দৰমহা প্ৰদানৰ দাবী জনায়৷ অসমত বৰ্তমান কৰ্মৰত ৩,০০০জন মৃত্যুঞ্জয় কৰ্মচাৰীক ক’ভিড মহামাৰী সময়ত প্ৰথম শাৰী যোদ্ধা হিচাপে কামত নিয়োগ কৰিছিল যদিও তেওঁলোকক নিৰাপত্তা প্ৰদান তথা সকলো প্ৰাপ্যৰপৰা বঞ্চিত কৰা অভিযোগ উত্থাপন কৰিছে সন্থাই৷ তদুপৰি ১০৮ৰ অন্তভুৰ্ক্ত EMTs , EROs আৰু pilots সকলক অসম চৰকাৰৰ অধীনত অন্তৰ্ভুক্ত কৰাৰ দাবী উত্থাপন কৰি শতাধিক মৃত্যুঞ্জয় কৰ্মীয়ে প্ৰতিবাদস্থলী উত্তাল কৰি তোলে৷

শিৱসাগৰ : শিৱসাগৰৰ হাতীখোকত এটা কূখ্যাত অপৰাধীয়ে আশ্ৰয় লোৱাক কেন্দ্ৰ কৰি বুধবাৰে নিশা উত্তপ্ত পৰিস্থিতিৰ সৃষ্টি হয়৷ স্থানীয় ৰাইজ আৰু গাওঁৰক্ষী বাহিনীৰ অভিযানত জালত পৰিল হানিট্ৰেপিং চক্ৰৰ অন্যতম নায়ক ফাৰহান লস্কৰ৷ অঞ্চলটোৰ এটা পৰিয়ালত ছদ্ম বেশেৰে দীৰ্ঘদিন ধৰি আশ্ৰয় লৈছিল অপৰাধীটোৱে ৷ নিজকে সাংবাদিক বুলি পৰিচয় দিছিল নাজিৰা, গেলেকী আঠখেল আদি অঞ্চলত আৰু দীৰ্ঘদিনে ধনদাবী, ব্লেকমেইলিং আৰু হানিট্ৰেপিঙৰ দৰে অপৰাধ সংঘটিত কৰি আহিছিল ফাৰহান লস্কৰে৷ ফাৰহানৰ অপৰাধৰ সম্পৰ্কে জানিব পাৰি গাওঁৰক্ষী বাহিনীৰ সহায়ত স্থানীয় ৰাইজে কৰায়ত্ত কৰি উত্তম মধ্যম শোধোৱাৰ লগতে চমজাই দিয়ে শিৱসাগৰ আৰক্ষীক৷ পূৰ্বতে হানী ট্ৰেপিং, ধন দাবীৰ গোচৰত জে’ললৈ গৈছিল ফাৰহান লস্কৰ নামৰ অপৰাধীটো৷ গেলেকী আৰক্ষীয়ে তিনি বছৰৰ পূৰ্বে দেওপানী বনাঞ্চলৰ পৰা কৰায়ত্ব কৰিছিল অপৰাধীটোক ৷ নাজিৰা