Day: November 21, 2024

বিহাৰৰ ঐতিহাসিক চহৰ ৰাজগীৰত প্ৰথমবাৰৰ বাবে অনুষ্ঠিত এছিয়ান মহিলা হকী চেম্পিয়নশ্বিপত খিতাপ অৰ্জন কৰে ভাৰতীয় মহিলা হকী দলে। ফাইনেলত প্ৰতিদ্বন্দ্বী চীনক ১-০ গ’লত পৰাস্ত কৰে ভাৰতীয় দলটোৱে। বিহাৰৰ ৰাজগীৰ হকী ষ্টেডিয়ামত অনুষ্ঠিত হোৱা এছিয়ান মহিলা হকী চেম্পিয়নছ ট্ৰফীৰ ফাইনেলত চীনৰ বিৰুদ্ধে ভাৰতৰ খেলুৱৈ দীপিকাই তৃতীয় কোৱাৰ্টাৰৰ প্ৰথম মিনিটত গ’ল দি ভাৰতক ১-০ৰ অগ্ৰগতি প্ৰদান কৰে। অৱশ্যে পেনাল্টী কৰ্ণাৰত ব্যৰ্থ প্ৰচেষ্টাৰ পাছত দীপিকাই ৰিভাৰ্ছ হিটেৰে গ’ল প্ৰদান কৰে। প্ৰতিযোগিতাত খেলুৱৈগৰাকীৰ এয়া আছিল ১১সংখ্যক গ’ল৷ প্ৰথমাৰ্ধত চীনে দুৰ্দান্ত প্ৰদৰ্শন আগবঢ়াই ভাৰতক কোনো গ’ল প্ৰদানৰ সুযোগেই নিদিলে। এই সময়ত ভাৰতে চাৰিটা পেনাল্টী কৰ্ণাৰ লাভ কৰাৰ বিপৰীতে চীনে লাভ কৰে দুটা পেনাল্টী কৰ্ণাৰ। এছিয়ান মহিলা হকী চেম্পিয়নশ্বিপৰ ফাইনেল খেলখন আৰম্ভ হোৱাৰ ৩ ঘণ্টা পূৰ্বৰে

আজি বৃহস্পতিবাৰ, ২১ নৱেম্বৰ, ৫ আঘোণ, ১৭ জমা আউ। শ্ৰীশ্ৰীশংকৰাব্দ ৫৭৬, শকাব্দ ১৯৪৬, খ্রীষ্টাব্দ ২০২৪। আজি শুভ কৰ্মৰ বাবে প্রশস্ত সময় দিনৰ ৫/৪৯ৰ পৰা ৮/৫৭লৈ। সূর্যোদয় ৫/৪৯, সূর্যাস্ত ৪/২৯ গুৱাহাটীত। পঞ্চমীত বেল অভক্ষ।     মেষ: ৰাশিৰ আদ্যাক্ষৰ অ, ল। শুভ কাৰক গ্রহ মঙল, ৰবি। শুভ সংখ্যা ১, ৯। শুভ ৰং মাখন। শৰীৰ প্ৰায় ভালেই। বিদ্যা -বুদ্ধিতো বেয়া নহয়। কথা-বার্তাত সাৱধান হ’ব, কথাত পিছল খাই অপ্রস্তুত হ’ব পাৰে। বৃষ: ৰাশিৰ আদ্যাক্ষৰ ই, উ, ব। শুভ কাৰক গ্রহ শুক্র, চন্দ্ৰ। শুভ সংখ্যা ২, ৬। শুভ ৰং বগা। আজি ৰাশিত বৃহস্পতি, ৰাশিৰ কেন্দ্ৰত চাৰিটা গ্রহ, কেন্দ্ৰত শুভকাৰক বুধাদিত্য যোগ, শুক্ৰ আৰু বৃহস্পতিৰ ক্ষেত্ৰ বিনিময় যোগ আদি থকাত আজি অশুভ ৰিষ্টাদি খণ্ডন হৈছে।