ন্যায়পালিকা বনাম কাৰ্যপালিকা : গণতন্ত্ৰৰ প্ৰতিটো অংশত মুখ্যমন্ত্ৰীৰ হস্তক্ষেপ কিমান গ্ৰহণযোগ্য- Debabrat Saikia
-দেৱব্ৰত শইকীয়া, বিৰোধী দলপতি, অসম সংবিধানৰ গণ্ডীৰ বাহিৰত গৈ আৰক্ষী অথবা অন্যান্য বিভাগে কৰা বিভিন্ন ভুলক চৰকাৰৰ ভুল অভিহিত কৰি পৰৱৰ্তী সময়ত সেইক্ষেত্ৰত মুখ্যমন্ত্ৰীৰ হস্তক্ষেপ বিচৰাৰ যি এক নতুন প্ৰৱণতা আৰম্ভ হৈছে, সি এক সুস্থ গণতন্ত্ৰৰ লক্ষণ নহয়। কাৰ্যপালিকাৰ মুৰব্বী হিচাপে মুখ্যমন্ত্ৰীয়ে সংবিধানপ্ৰদত্ত ক্ষমতাৰ বাহিৰে ন্যায়পালিকা অথবা বিধানপালিকাৰ কাৰ্য্যত হস্তক্ষেপ কৰাটো ন্যায়সংগত কেতিয়াও হ’ব নোৱাৰে। কিন্তু মুখ্যমন্ত্ৰীৰ ক্ষমতাক অতিৰঞ্জিত কৰি এচাম দল সংগঠনে পদলেহনকাৰীৰ ভূমিকাত অৱতীৰ্ণ হৈ প্ৰত্যেক ক্ষেত্ৰতে মুখ্যমন্ত্ৰীৰ হস্তক্ষেপ বিচাৰি তেওঁক ন্যায়পালিকা আৰু বিধানপালিকাৰো মুৰব্বীৰ দৰে জ্ঞান কৰা কাৰ্য্য একেবাৰেই সমুচিত নহয়।বিধানপালিকাই সমৰ্থন জনোৱা আইনৰ জৰিয়তে দেশৰ কাম কাজ চলোৱাটোৱেই কাৰ্য্যপালিকাৰ মূল কাম। আৰু এই আইনৰ উলংঘনৰ দৰে পৰিস্থিতিত ন্যায়পালিকাই হস্তক্ষেপ কৰে।কিন্তু দেখা গৈছে যে মুখ্যমন্ত্ৰীক এক ভগৱানৰ
