জুইক লৈ খেলা কৰা দেশবাসীৰ প্ৰিয় ৰাষ্ট্ৰপতিজন…
@ Dhrubajyoti Dhanantari ✔️ পৃথিৱীৰ হৃদপিণ্ড আমাজনত এতিয়া জুই। যিজন ব্যক্তিয়ে এই জুই নুমুওৱাৰ দায়িত্ব গ্ৰহণ কৰিব লাগিছিল তেওঁ নীৰৱ আৰু নিৰ্বিকাৰ। বিশ্ব নেতৃত্ব তেওঁকলৈ খৰ্গহস্ত। কিন্তু সকলো নিমাত হৈ থাকিবলৈ বাধ্য। কিয়নো Jair Bolsonaro নামৰ এই মানুহজনক বুজোৱা আৰু ঢেৰুৱা ঠাৰি সিজোৱা একেই। ✔️ জনতাৰ বিপুল ভোটেৰে ব্ৰাজিলৰ ৰাষ্ট্ৰপতি পদত অধিষ্ঠিত হোৱাৰ পিছত তেওঁ এক ভাষণত কৈছিল, ‘আমাজন ব্ৰাজিলৰ আৰু ইয়াৰ ওপৰত কেৱল ব্ৰাজিলৰেই অধিকাৰ আছে। ইউৰোপীয় দেশসমূহে এই লৈ মূৰ নঘমোৱাই ভাল, কাৰণ তেওঁলোকে ইতিমধ্যে নিজ নিজ দেশৰ পৰিৱেশ আৰু জৈৱ বৈচিত্ৰ্য ধ্বংস কৰিছে।’ জুইৰ লেলিহান শিখাই আমাজনক ধ্বংসৰ দিশে নিয়াক লৈ বিশ্ববাসী উদ্বিগ্ন হৈ পৰাৰ সময়তে তেওঁ সকলোকে উপহাস কৰি কৈছে, ‘আমি আন সকলোতকৈ অধিক বৰ্ষাৰণ্য সংৰক্ষণ কৰিছো।
