Day: August 25, 2019

নতুন দিল্লী : দীৰ্ঘদিন ধৰি অসুস্থ হৈ থকা মোদী চৰকাৰৰ প্ৰথমতো কাৰ্যকালৰ বিত্তমন্ত্ৰী অৰুণ জেটলীয়ে অৱশেষত হাৰ মানিলে নিয়তিৰ ওচৰত। দীৰ্ঘদিন ধৰি বিভিন্ন স্বাস্থ্যজনীত সমস্যাত ভুগি থকা অৰুণ জেটলীক কেইদিনমান পূৰ্বে সংকটজনক অৱস্থাত এইমছত ভৰ্তি কৰোৱা হৈছিল যদিও অৱশেষত মৃত্যুক আকোৱালি লয় বিজেপি দলৰ বৰ্ষীয়ান ৰাজনীতিবিদ গৰাকীয়ে। কায়িক ভাবে অৰুণ জেটলীয়ে চিৰ বিদায় ল’লেও, তেখেতৰ কাৰ্যকালত দেশৰ অৰ্থনীতি সংস্কাৰৰ বাবে লোৱা বহু কেইটা ঐতিহাসিক পদক্ষেপ সদায়েই চিৰ স্মৰণীয় হৈ থাকিব। কি কি পদক্ষেপ লৈছিল জেটলীয়ে : নীতি আয়োগৰ জন্ম– দেশৰ অৰ্থ ব্যৱস্থাৰ সংশোধন কৰাৰ মানসেৰে পঞ্চ বাৰ্ষিক পৰিকল্পনা বিলুপ্ত কৰি নতুনকৈ গঠন কৰা হৈছিল নিটি আয়োগ। কিদৰে দেশত উন্নয়নৰ বাবে কেন্দ্ৰীয় সূচী আৰু সমৱৰ্তী সূচীত অন্তভুক্ত বিষয় সমূহৰ পুঁজি যোগান

নিগম বোধ ঘাটত কৰা হয় জেটলীৰ অন্তিম সংস্কাৰ। অৰুণ জেটলীৰ পুত্ৰ ৰোহনে কৰিলে পিতৃৰ মুখাগ্নি নতুন দিল্লী : পঞ্চভূতত বিলীন হ’ল প্ৰাক্তন মন্ত্ৰী অৰুণ জেটলীৰ নশ্বৰদেহ। নিগম বোধ ঘাটত কৰা হয় জেটলীৰ অন্তিম সংস্কাৰ। অৰুণ জেটলীৰ পুত্ৰ ৰোহনে কৰিলে পিতৃৰ মুখাগ্নি। অন্ত্যেষ্টিক্ৰিয়াৰ সময়ত উপস্থিত থাকে বিজেপিৰ প্ৰায়সংখ্যক নেতা। অন্তিম সংস্কাৰৰ পূৰ্বে জেটলীৰ পাৰ্থিৱ শৰীৰ বিজেপিৰ মুখ্য কাৰ্যালয়ত ৰখা হৈছিল। অৰুণ জেটলীৰ পাৰ্থিৱ শৰীৰ সেনাৰ বাহনেৰে ৰাজকীয় সন্মানেৰে বিজেপিৰ কাৰ্যালয়লৈ অনা হৈছিল। উল্লেখযোগ্য যে দীৰ্ঘদিন ধৰি অসুস্থ হৈ থকা জেটলীয়ে শনিবাৰে পুৱা দিল্লীৰ এইম্ছত ৬৬ বছৰ বয়সত শেষ নিশ্বাস ত্যাগ কৰিছিল। শ্বাস–প্ৰশ্বাসৰ সমস্যাত ভোগা জেটলীক ৯ আগষ্টত ভৰ্তি কৰোৱা হৈছিল এইম্ছত। স্বাস্থ্যৰ দ্ৰুত অৱনতি ঘটাত জেটলীক লাইভ ছাপ’ৰ্ট ছিষ্টেমত ৰাখিবলগীয়া হৈছিল।