Day: December 20, 2018

গুৱাহাটী : ৰাজহ সংগ্রহৰ স্বার্থত সুৰাৰ বিপণী, বাৰ আদিৰ ক্ষেত্রত প্রযোজ্য বিধি সলনি কৰিলে আবকাৰী বিভাগে৷ বিলাতী সুৰাৰ উপৰি দেশীয় সুৰা উভৈনদী কৰি ৰাজহ সংগ্রহ বৃদ্ধিৰ স্বার্থতে পূর্বৰ কঠোৰ নিয়ম সলনিৰ জৰিয়তে আবকাৰী বিভাগে গ্রহণ কৰিছে কিছু নতুন নিয়ম৷ পূর্বৰ দৰে দুখন সুৰা বিপণীৰ মাজত কোনো দূৰত্ব নাথাকিব৷ পূর্বৰ নিয়ম অনুসৰি দুখন বিপণীৰ মাজত নূ্যনতম ১০০ মিটাৰ দূৰত্ব বাধ্যতামূলক আছিল যদিও এতিয়াৰ পৰা দূৰত্বৰ কোনো পৰিসীমা নাথাকিব৷ ইফালে নতুন বাৰ, সুৰা বিপণী স্থাপনৰ ক্ষেত্রত ১৫০ মিটাৰ ব্যাসার্ধৰ ভিতৰৰ বাসিন্দাৰ অভিযোগ কিম্বা আপত্তিহে বৈধ হ’ব৷ নির্ধাৰিত এলেকাৰ বাহিৰৰ লোকে আপত্তি দর্শালেও বাৰ কিম্বা সুৰা বিপণী স্থাপনত ইয়াক গ্রাহ্য কৰা নহ’ব৷ আবকাৰী আইনৰ ২৮৮ ধাৰা বিলুপ্ত কৰি এই নতুন নিয়ম প্রযোজ্য কৰা

গোলাঘাট : আলফাত যোগদান কৰিবলৈ যোৱা দুজন যুৱক গোলাঘাট আৰক্ষীৰ জালত পৰে। আলফাত যোগদান কৰিবলৈ বুলি নগালেণ্ড অভিমুখে আহি থকা অৱস্থাত বাছৰ পৰা আৰক্ষীয়ে যুৱক দুজনক আটক কৰে। আটক কৰা নৱ সন্দিকৈ আৰু ৰুবুল বনিয়াৰ ঘৰ গহপুৰত। নাগৰিকত্ব সংশোধনী বিধেয়কৰ বিৰোধিতা কৰাৰ লগতে চৰকাৰৰ কাম-কাজত অসন্তষ্ট হোৱাৰ ফলতে আলফাত যোগ দিয়াৰ সিদ্ধান্ত লোৱা বুলি জানিব পৰা গৈছে৷

গুৱাহাটী : লোক সভাৰ নির্বাচনৰ আগে আগে ৰাজ্যৰ কৃষক সমাজক সামৰি কেইবাখনো অভিলাষী আঁচনি গ্রহণ কৰিছে ৰাজ্য চৰকাৰে৷ কৃষকক উদগনি যোগোৱাই নহয়, চাহ বাগিচা ধন পুৰস্কাৰ আঁচনিৰ অধীনত আধৰুৱা হৈ থকা আর্থিক সাহায্য প্রদানৰ আঁচনিখনো ৰাজ্য চৰকাৰে সম্পূর্ণ কৰিব অহা জানুৱাৰী মাহত৷ কৃষকক উদ্দেশ্যি গ্রহণ কৰা আঁচনিকেইখনৰ বাবত ৰাজ্য চৰকাৰে মুঠ ব্যয় কৰিব ১০৫০ কোটি টকা৷ চাহ শ্রমিকক আর্থিক সাহায্য প্রদান কৰা আঁচনিৰ বাবত ব্যয় হ’ব প্রায় ১৮২ কোটি টকা৷ যোৱা ১৭ ডিচেম্বৰত ৰাজ্যিক কেবিনেটত অনুমোদন হোৱা কৃষকৰ ঋণ ৰেহাই, সাহায্য প্রদানৰ বাবে অনুমোদন হোৱা আঁচনিকেইখনৰ বিতং ব্যাখ্যা দিয়ে বিত্ত মন্ত্রী হিমন্ত বিশ্ব শর্মাই৷ লোক সভাৰ নির্বাচনক লক্ষ্য কৰি ৰাজ্যৰ কৃষকসকলৰ বাবে আঁচনিসমূহ গ্রহণ কৰা হৈছে নেকি বুলি সাংবাদিকে প্রশ্ন

তিনিচুকীয়া : তিনিচুকীয়া জিলাৰ বিভিন্ন গাঁৱৰ পৰা বহু যুৱক আলফা স্বাধীনলৈ যোৱাৰ খবৰে সেনা-আৰক্ষীৰ মূৰৰ কামোৰণিৰ সৃষ্টি কৰাৰ সময়তে পেঙেৰীৰ দুজন কিশোৰৰ আলফা গমনে চিন্তিত কৰি তুলিছে সচেতন মহলক৷ উল্লেখযোগ্য যে পেঙেৰী থানাৰ অন্তর্গত এক নং নলনী গাঁও নিৱাসী প্রয়াত পুলেশ্বৰ মৰাণ আৰু নদেন মৰাণৰ পুত্র ক্রমে ৰিতুৰাজ মৰাণ (১৭ ) আৰু মণ্টু মৰাণ ওৰফে ক’লাং (১৬) আলফা (স্বাঃ)লৈ গমন কৰা বিষয়টো স্পষ্ট হৈ পৰিছে৷ যোৱা ৪ ডিচেম্বৰৰ সন্ধিয়াৰে পৰা নিৰুদ্দিষ্ট কিশোৰ দুজন আলফালৈ যোৱা বুলি বিভিন্ন সূত্রৰ পৰা পৰিয়ালে জানিব পাৰিছে৷ সচেতন মহলে অৱশ্যে কিশোৰ দুজনক এটা বিপ্লৱী সংগঠনৰ মানুহে একপ্রকাৰ প্রৰোচিত কৰি লৈ যোৱাটো শুভ লক্ষণ নহয় বুলি চর্ কৰিছে৷ পৰিয়ালৰ লোকে ইতিমধ্যে কিশোৰদ্বয়ৰ সন্ধানহীনতাৰ বিষয়ে আৰক্ষী আৰু

গুৱাহাটী : আজি ৰাজপথত সমুখ সমৰত দেখা গ’ল বিজেপি আৰু কংগ্রেছক৷ ৰাফেল যুদ্ধ বিমান ক্রয়ক লৈ উত্তাল হৈ থকা দেশৰ ৰাজনীতি কার্যতঃ তীব্র বিদ্বেষত পৰিণত হৈছে৷ শাসক-বিৰোধীৰ সত্যতা প্রতিপন্নৰ যুঁজখন দৃষ্টিকটু হৈ পৰিল৷ ৰাফেল যুদ্ধ বিমান ক্রয় সন্দর্ভত কংগ্রেছে মিথ্যাচাৰেৰে দেশৰ জনসাধাৰণক বিপথে পৰিচালিত কৰা বুলি অভিযোগ তুলি আজি ৰাজ্যৰ শাসকীয় দল বিজেপিয়ে ৰাজীৱ ভৱন ঘেৰাও কার্যসূচী গ্রহণ কৰে৷ বিজেপিৰ এই প্রতিবাদী কার্যসূচী প্রতিহত কৰিবলৈ কংগ্রেছেও ৰাজীৱ ভৱনৰ বাহিৰত যুযুধান স্থিতি গ্রহণ কৰে৷ ফলত মহানগৰীৰ জি এছ ৰ’ডত বিৰাজ কৰিলে যুদ্ধসদৃশ পৰিস্থিতিৰ৷ ব্যস্ত মহানগৰবাসীৰ জীৱন-যাত্রাক পণবন্দী কৰি তথা প্রশাসনে জাৰি কৰা ১৪৪ ধাৰা ভংগ কৰি বিজেপিয়ে বৃহৎ প্রতিবাদী সমদলেৰে ৰাজীৱ ভৱন ঘেৰাও কৰিবলৈ যোৱা কার্যই ৰাজ্যৰ ৰাজনীতিত প্রতিক্রিয়াৰ সৃষ্টি কৰিছে৷