Day: December 4, 2018

গুৱাহাটী : আক্রমণ-প্রতিআক্রমণ আৰু প্রতিপক্ষক চোকা সমালোচনাৰে ৰাজনৈতিক দলসমূহে প্রথম পর্যায়ৰ পঞ্চায়ত নির্বাচনৰ বাবে চলাই থকা নির্বাচনী প্রচাৰ কালি বিয়লি ৩ বজাত অন্ত পৰিছে৷ ৫ ডিচেম্বৰত ৰাজ্যৰ ১৬খন জিলাত পুৱা ৭ বজাৰ পৰা বিয়লি ৩ বজালৈ ভোট গ্রহণ হ’ব৷ পঞ্চায়ত নির্বাচনত শাসক দল বিজেপি, বিৰোধী কংগ্রেছ, এ আই ইউ ডি এফৰ লগতে চৰকাৰৰ অংশীদাৰ দল অগপয়ো নিজাববীয়াকৈ প্রতিদ্বন্দ্বিতাত নামিছে৷ শাসক বিজেপি আৰু বিৰোধী এ আই ইউ ডি এফে হেলিকপ্টাৰ ব্যৱহাৰ কৰি ব্যয়বহুল প্রচাৰেৰে চমক সৃষ্টি কৰিছে৷ প্রথম পর্যায়ৰ নির্বাচনৰ আজি অন্তিম প্রচাৰৰ দিনটোত ৰাজনৈতিক দলকেইটাই বিভিন্ন স্থানত উলিওৱা সমাৱেশ, নির্বাচনী সভাৰ জৰিয়তে অহা ৫ ডিচেম্বৰৰ নির্বাচনী যুঁজৰ বাবে বজাইছে ৰণদুন্দুভি৷ বিভিন্ন জিলাৰ পৰা নির্বাচনী দায়িত্বত নিয়োজিত বিষয়া-কর্মীসকলে কাইলৈ পুৱাৰ পৰা

বিশ্বনাথ চাৰিআলি : বিশ্বনাথ সদৰ মহকুমাৰ অহা ৫ ডিচেম্বৰত অনুষ্ঠিত হ’ব লগা পঞ্চায়ত নিৰ্বাচনত প্ৰতিদ্বন্দ্বিতা কৰা প্ৰাৰ্থীসকলে নিৰ্বাচনৰ প্ৰচাৰ আদি আনুসংগিক দিশত দৈনিক কৰা খৰচৰ হিচাপসমূহ অহা ৭, ৮, ৯ আৰু ১০ ডিচেম্বৰত পৰীক্ষা কৰা হ’ব। বিশ্বনাথ জিলাৰ উপায়ুক্তৰ কাৰ্যালয়ত থকা পঞ্চায়ত নিৰ্বাচনৰ ব্যয় নিৰীক্ষণ আৰু আৰ্হি-আচৰণবিধি কোষত অনুষ্ঠিত হ’ব লগা এই হিচাপ পৰিদৰ্শনত উপস্থিত থাকিবৰ বাবে প্ৰাৰ্থীসকলক অনুৰোধ জনোৱা হৈছে। পৰিদৰ্শনকালত প্ৰতিদ্বন্দ্বী প্ৰাৰ্থীসকলে নিজা নিজা ব্যয়ৰ হিচাপসমূহৰ সমৰ্থনত প্ৰয়োজনীয় সকলোবোৰ নথি-পত্ৰ প্ৰদৰ্শন কৰিব লাগিব।

বিশ্বনাথ চাৰিআলি : বিশ্বনাথ সদৰ মহকুমাত অহা ৫ ডিচেম্বৰত অনুষ্ঠিত হ’ব লগা পঞ্চায়ত নিৰ্বাচন পৰিচালনাৰ বাবে নিযুক্তি দিয়া অসামৰিক আৰু সুৰক্ষা বিভাগৰ মাণ্ডলিক তথা ক্ষেত্ৰীয় বিষয়াসকলৰ এক যুটীয়া বৈঠক আজি বিশ্বনাথ জিলাৰ উপায়ুক্তৰ সভাগৃহত অনুষ্ঠিত হয়। বিশ্বনাথ মহকুমাৰ নিৰ্বাচনী পৰ্যবেক্ষকদ্বয় মানস নাথ আৰু আনন্দ কুমাৰ দাসৰ উপস্থিতিত আয়োজিত এই বৈঠকত মহকুমাটোৰ বিভিন্ন প্ৰান্তত নিৰ্বাচন পৰিচালনাৰ দায়িত্বপ্ৰাপ্ত অসামৰিক বিষয়াসকলক নিৰ্দিষ্ট এলেকাৰ দায়িত্বপ্ৰাপ্ত সুৰক্ষা বাহিনীৰ বিষয়াসকলৰ সৈতে পৰিচয় কৰাই দিয়া হয়। অনাগত দিনকেইটাত দুয়োটা বিভাগৰে মাণ্ডলিক আৰু ক্ষেত্ৰীয় বিষয়াসকলৰ দায়িত্ব আৰু কৰ্তব্য সম্পৰ্কে অতিৰিক্ত উপায়ুক্ত পাৰভেজ আমিনে সকলোকে পুনৰবাৰ সোঁৱৰাই দিয়ে। উপায়ুক্ত ধীৰাজ জ্যোতি কলিতাই সভাপতিত্ব কৰা এই বৈঠকত অতিৰিক্ত উপায়ুক্তসকল ক্ৰমে দিগন্ত কুমাৰ বৈশ্য, প্ৰদীপ কুমাৰ সূত্ৰধৰ আৰু পাৰিজাত ভূঞাৰ লগতে

সৰুক্ষেত্রী : দ্বিতীয় পৰ্যায়ৰ ভোট গ্ৰহনলৈ মাজত মাত্ৰ কেইটামান দিন বাকী থকাৰ মাজতে তৎপৰ হৈ পৰিছে ৰাজনৈতিক দলসমূহ। ইয়াৰ মাজতে ৩৫ নং উত্তৰ বেতবাৰী গাওঁ পঞ্চায়তৰ সভানেত্রী, আঞ্চলিক পঞ্চায়তৰ সদস্য আৰু ৩ নং বেতবাৰী জিলা পৰিষদৰ সদস্যা পদৰ বাবে ৰণ কৌশল আৰম্ভ কৰিছে ভাৰতীয় জাতীয় কংগ্ৰেছ দলে। উক্ত পঞ্চায়তত এইবাৰ ইউ ডি এফৰ লগত মুল যুঁজ হোৱাৰ সম্ভাৱনা ইতিমধ্যে প্ৰকট হৈ পৰিছে। সৰুক্ষেত্রী সমষ্টিৰ কংগ্ৰেছী বিধায়ক জাকিৰ হুছেইন শিকদাৰৰ নেতৃত্বত সকলোবোৰ কংগ্ৰেছ প্ৰাৰ্থী বিপুল ভোটত জয় যুক্ত হ’ব বুলি একাংশ কংগ্ৰেছ কৰ্মীয়ে কব খুজিছে। যাৰ পৰিপ্ৰেক্ষিতত গাঁৱে ভুঞে সকলোতে জঁপিয়াই পৰিছে কংগ্ৰেছ কৰ্মীসকল। সভা সমিতি আৰু বাইক ৰেলিৰ জৰিয়তে সাধাৰণ ভোটাৰ ৰাইজক চমক দেখুৱালৈ পূৰ্ণ চেষ্টা চলাইছে কংগ্ৰেছীয়ে। আনকি বিধায়ক

বৰপেটা : দ্বিতীয় পৰ্যায়ৰ নিৰ্বাচনলৈ মাজত মাত্র কেইটামান দিন বাকী থকাৰ মাজতে ৰাইজক চমক দেখুৱাবলৈ উঠি পৰি লাগিছে প্ৰাৰ্থীসকল। ইয়াৰ মাজতে আজি সৰুক্ষেত্রী বিধান সভা সমষ্টিৰ অন্তৰ্গত ৩৫ নং উত্তৰ বেতবাৰী গাওঁ পঞ্চায়তৰ এআইইউডিএফ দলৰ সভানেত্রী পদৰ প্ৰাৰ্থী আৰমিনা বেগমৰ হৈ অভিনৱ নিৰ্বাচনী প্ৰচাৰ চলোৱা দেখা গ’ল। প্ৰায় দুই শতাধিক ই-ৰিক্সা লৈ প্ৰচাৰত নামিল এআইইউডিএফ কৰ্মীসকল। উক্ত নিৰ্বাচনী প্ৰচাৰত এআইইউডিএফৰ প্ৰাক্তন বিধায়ক আলী হুছেইনে অংশগ্ৰহণ কৰি প্ৰদূষনৰ প্ৰতি লক্ষ্য ৰাখি বাইক ৰেলীৰ পৰিবৰ্তে ৰাইজক প্ৰদূষন মুক্ত পৰিবেশ সৃষ্টিৰ সজাগতাৰ উদ্দেশ্য নিৰ্বাচনী প্ৰচাৰত ই-ৰিক্সা ব্যৱহাৰ কৰা হয় বুলি মন্তব্য আগবঢ়ায়।