Day: November 23, 2018

গুৱাহাটী : জাতিধবংসী নাগৰিকত্ব আইন সংশোধনী বিধেয়কৰ বিৰুদ্ধে সমগ্র ৰাজ্য উত্তাল হৈ থকাৰ সময়ত আজি বিত্ত, স্বাস্থ্য আৰু গড়কাপ্টানী মন্ত্রী ড০ হিমন্ত বিশ্ব শর্মাই বিধেয়কখনৰ নামত ৰাজ্যত অযথা হুলস্থুল কৰি থকা বুলিহে মন্তব্য কৰে৷ তেওঁ সংবাদ মাধ্যমক বিধেয়কৰ সলনি এন আৰ চিৰ বাতৰিহে অধিক প্রচাৰ কৰিবলৈ আহবান কৰে৷ ৰাজ্যিক বিজেপিৰ কার্যালয়ত পঞ্চায়ত নির্বাচনৰ ইস্তাহাৰ মুকলি অনুষ্ঠানত অংশগ্রহণ কৰিও মৌন হৈ থকা মন্ত্রীজনে অনুষ্ঠানৰ পাছত সাংবাদিকৰ আগত এতিয়া নাগৰিকত্ব বিধেয়কৰ নামত অযথা হুলস্থুল কৰি বিদেশীৰ নাম এন আৰ চিত অন্তর্ভুক্তিৰ গভীৰ ষড়যন্ত্র কৰাৰ অভিযোগ কৰে৷ তেওঁ কয় যে এতিয়া এন আৰ চিখন শুদ্ধভাৱে প্রস্তুত কৰাটো আটাইতকৈ গুৰুত্বপূর্ণ কথা৷ কিন্তু তাকে নকৰি বিধেয়কখনক লৈ অযথা হৈ-চৈ কৰি এন আৰ চিৰ পৰা মনোযোগ

ডিব্ৰুগড় :  বলিউডৰ ছুপাৰষ্টাৰ তথা ‘বজৰংগী ভাইজান’ হিচাপে খ্যাত ছলমান খানে চুবুৰীয়া ৰাজ্য অৰুণাচল প্রদেশলৈ এক বিশেষ কার্যসূচী লৈ আহোঁতে ডিব্রুগড়ৰ মোহনবাৰী বিমান বন্দৰত পদার্পণ কৰে৷ বিশিষ্ট অভিনেতাজনৰ সংগী হিচাপে আহে কেন্দ্রীয় গৃহ ৰাজ্যমন্ত্রী কিৰেন ৰিজিজু৷ পঞ্জাবৰ পৰা বিশেষ বিমানেৰে অৰুণাচললৈ অহা অভিনেতাজনে ডিব্রুগড়ৰ মোহনবাৰী বিমান বন্দৰৰ পৰা পোনে পোনে বি এছ এফৰ এম ১১৭ হেলিকপ্টাৰেৰে উৰা মাৰে অৰুণাচল প্রদেশৰ মেচুকালৈ৷ উল্লেখযোগ্য যে সমুদ্র পৃষ্ঠৰ পৰা ৬০০০ ফুট (১৮২৯ মিটাৰ) উচ্চতাৰ অৰুণাচলৰ পশ্চিম চিয়াং জিলাৰ প্রাকৃতিক প্রাচুর্যৰে পৰিপূর্ণ মেচুকা ভেলীত দ্বিতীয়বাৰৰ বাবে অনুষ্ঠিত এম টি বি অৰুণাচল মাউণ্টেইন বাইচাইকেল ৰেচৰ আজি অন্তিম দিনাৰ কার্যসূচীত ছুপাৰষ্টাৰজনে অংশগ্রহণ কৰিবলৈ আহোঁতে ডিব্রুগড়ত অৱতৰণ কৰাৰ সময়ত অনুৰাগীয়ে অসমীয়া ফুলাম গামোচাৰে বিপুল আদৰণি জনায়৷ বিগত