Day: August 20, 2018

ওদালগুৰি : ওদালগুৰি জিলাৰ পানেৰী থানাৰ অন্তৰ্গত খ্ৰীষ্টানপাৰাত আজি দিনৰ দহ মান বজাত হাতীগড় চাহ বাগিচাৰ কাষৰ মাজুলীৰ পৰা পানেৰীলৈ ৪০গৰাকী শিৱভক্তক কঢ়িয়াই অনা বাহন এখন হঠাতে নিয়ন্ত্ৰণ হেৰুৱাই পথৰ মাজতে দুৰ্ঘটনাত পতিত হয়৷ আহতসকলৰ ভিতৰত গুৰতৰভাৱে আহত জিন্টু টিৰ্কী (৩), ববিতা মানকি (৮), যোগশ্বৰ চিলা (১১), শেৱালি ভূমিজ (১২), ওম পানিকা (১১), প্ৰক্ষিত গড় (১২) নৱনীতা নাগ (১২), গৌৰী তচা (১৩), ৰাধিকা বেহেৰা (১২), লক্ষ্মী তাঁতী (১১), সূৰ্যমনি বেহেৰা (১২), সমীৰ দেৱ (১২), জনিকা কুজুৰ (১২) আৰু উমা মুণ্ডা (৪৮) বৰ্তমান পানেৰী স্বাস্থ্যকেন্দ্ৰত চিকিত্সাধীন হৈ আছে৷ নতুনকৈ ক্ৰয় কৰা পঞ্জীয়ন নোহোৱা বাহনখনৰ চালকজনে দুৰ্ঘটনাটো সংঘটিত কৰিয়েই পলায়ন কৰে ৷ আনহাতে নীতি-নিয়ম উলংঘা কৰি এনে অতিৰিক্ত বোজা কঢ়িয়াই অনাৰ বাবে

মৰিগাঁও : কেঁচু খান্দোতে সাপ ওলাইছে মৰিগাঁৱত৷ খিলঞ্জীয়াৰ অস্তিত্ব ৰক্ষাৰ দলিল স্বৰূপ এন আৰ চিৰ কামত বিদেশী নিয়োজিত হৈ থকাৰ তথ্য মৰিগাঁৱৰ সংবাদ মাধ্যমে পোহৰলৈ অনাৰ পাছত ৰাজ্যজুৰি তুমুল চাঞ্চল্যৰ সৃষ্টি কৰাৰ লগতে ৰাষ্ট্রীয় পর্যায়তো বিশেষ চৰ্চা লাভ কৰাৰ সময়তে দেশৰ সার্বভৌমিত্বৰ প্রতি ভাবুকি কঢ়িয়াই আনিব পৰা স্পর্শকাতৰ বিষয়টোক লৈ একাংশ আৰক্ষীৰ ভূমিকাই ৰাইজৰ চকু কপালত তুলিছে৷ বিশেষকৈ মৰিগাঁও সীমান্ত শাখাৰ আৰক্ষীয়ে বিদেশী ন্যায়াধিকৰণে ঘোষণা কৰা বিদেশীসমূহক ৰক্ষণাবেক্ষণ দিয়াৰ গুৰুতৰ অভিযোগ উঠাৰ লগতে এই সন্দর্ভত ন-ন তথ্য পোহৰলৈ আহিছে৷ বিশেষকৈ মৰিগাঁও বিদেশী ন্যায়াধিকৰণে বিদেশী বুলি ৰায়দান কৰা অর্ধেকসংখ্যক বিদেশীয়ে মৰিগাঁও সীমান্ত শাখা আৰক্ষীৰ কৃপাত বর্তমানে মুক্ত আকাশৰ তলত বিচৰণ কৰি আছে৷ আমাৰ হাতত পৰা অভিযোগ অনুসৰি, মৰিগাঁও জিলাত আছে ৫খন

বৰপেটাৰোড : বৰপেটাৰোডৰ শ্মশান ৰ’ড আনন্দ নগৰ নিবাসী তথা জনস্বাস্থ্য কাৰিকৰী বিভাগৰ কাৰ্যবাহী অভিযন্তা নৱকমল দাসৰ একমাত্ৰ পুত্ৰ অভিযন্তা ৰাহুল দাস (২৪)ৰ মানাহ ৰাষ্ট্ৰীয় উদ্যানৰ মাজেৰে বৈ যোৱা বেঁকী নৈত গা ধুবলৈ গৈ কালি অকাল মৃত্যু হয় ৷ বৰপেটা চহৰৰ জিঅ’ত কৰ্মৰত ৰাহুলে তেওঁৰ সহকৰ্মীসকলৰ লগত কালি মানাহ ৰাষ্ট্ৰীয় উদ্যানৰ নাৰায়ণগুৰিলৈ প্ৰীতিভোজ খাবলৈ গৈছিল৷ দিনৰ ২ মান বজাত তাত থকা বেঁকী নৈত বন্ধুসকলৰ লগত গা ধুই থাকোঁতে নৈৰ প্ৰবল সোঁতে ৰাহুলক উটুৱাই নিয়ে৷ ফলত থিতাতে মৃত্যু হয় ৰাহুলৰ৷ পাছত আবেলি ৫ মান বজাত ৰাহুলৰ মৃতদেহ কিছু দূৰৈত উদ্ধাৰ হয় ৷ ৰাহুলৰ এই আকস্মিক মৃত্যুক সহজভাৱে ল’ব পৰা নাই পৰিয়ালৰ লোকে৷ সেয়ে কালি নিশা মোমায়েক শুভাংকৰ চৌধুৰীয়ে ৰাহলৰ মৃত্যুক ষড়যন্ত্ৰমূলক আখ্যা

নগাওঁ : সাধাৰণ ৰাইজৰ ক্ষেত্রত নগাঁও আৰক্ষীৰ আইন অতি কঠোৰ হ’লেও ধনৱান, ক্ষমতাশালী ৰাজনৈতিক নেতা, মন্ত্রীৰ ক্ষেত্রত নগাঁও আৰক্ষীৰ আইন শিথিল হৈ পৰা পৰিলক্ষিত হৈছে৷ নগাঁও জিলা বিজেপিৰ যুৱ মর্ৰ এজন সক্রিয় সদস্যৰ পত্নীয়ে কেন্দ্রীয় ৰে’ল ৰাজ্যমন্ত্রী, নগাঁৱৰ সাংসদ ৰাজেন গোঁহাইৰ বিৰুদ্ধে তেওঁৰ লগতে তেওঁৰ স্বামীৰ ভগ্নীক চৰকাৰী চাকৰি দিয়াৰ নামত তেওঁলোকৰ লগত শাৰীৰিক সম্পর্ক স্থাপন কৰা, তেওঁলোকৰ অশ্লীল ফটো তেওঁৰ হাতত থকা বুলি ব্লেকমেইলিং কৰা, মহিলাগৰাকীৰ স্বামীক মৃত্যুৰ ভাবুকি প্রদান কৰা আদি অতি গুৰুতৰ অভিযোগেৰে নগাঁও সদৰ আৰক্ষী থানা আৰু নগাঁৱৰ আৰক্ষী অধীক্ষকৰ হাতত যোৱা ২৮ জুলাই আৰু ১ আগষ্টত পৃথকে দুখন এজাহাৰ দাখিল কৰিছিল৷ নগাঁও সদৰ আৰক্ষী থানাৰ ভাৰপ্রাপ্ত আৰক্ষী বিষয়াই এজাহাৰ গ্রহণ কৰিও কোনো গোচৰ পঞ্জীভুক্ত নকৰি

লখিমপুৰ: লখিমপুৰ জিলাৰ অসম-অৰুণাচল প্রদেশৰ সীমান্তৱর্তী নাৰায়ণপুৰৰ ৰাজগড়ত আজি এটি কণমানি ৭ বছৰীয়া কন্যা শিশুৰ অর্ধ উলংগ মৃতদেহ উদ্ধাৰ হোৱা ঘটনাই অঞ্চলটোতে চাঞ্চল্যৰ সৃষ্টি কৰিছে৷ জানিব পৰা মতে, অৰুণাচলৰ বান্দৰদেৱা থানাৰ অন্তর্গত চুনাজুলিস্থিত চেঁচা আৰক্ষী চকীৰ পৰা মাত্র দুশ মিটাৰ পশ্চিম দিশত কালিৰ পৰা সন্ধানহীন হৈ থকা কণমানি শিশুটিৰ মৃতদেহ উদ্ধাৰ হয়৷ প্রাপ্ত তথ্য মতে, নাৰায়ণপুৰ শিক্ষা খণ্ডৰ অন্তর্গত চুনাজুলি মধ্য ইংৰাজী বিদ্যালয়ৰ দ্বিতীয় শ্রেণীত অধ্যয়নৰত তথা লখিমপুৰ জিলাৰ শিমলুগুৰি আৰক্ষী চকীৰ অন্তর্গত অৰুণাচল প্রদেশৰ সীমান্তৱর্তী দজানৰ নিৱাসী দিল বাহাদুৰ অধিকাৰী আৰু বিমলী দেৱীৰ একমাত্র সাত বছৰীয়া কন্যা বিনীতা অধিকাৰী কালি বসন্ত ৰোগৰ প্রতিষেধক লৈ অকলশৰে ১১-৩০মান বজাত বিদ্যালয়ৰ পৰা ঘৰলৈ আহি থকা অৱস্থাত পথৰ পৰাই সন্ধানহীন হৈ আছিল৷ আজি পুৱা