Day: August 2, 2018

চৰাইদেউঃ  চৰাইদেউ জিলাৰ নাফুক বনাঞ্চলিক কাৰ্যালয়ৰ অধীনস্থ চলা সংৰক্ষিত বনাঞ্চলখন বন বিভাগৰ চূড়ান্ত অৱহেলা আৰু অমনোযোগিতাৰ বাবে সম্প্ৰতি ধ্বংসৰ গৰাহলৈ গতি কৰিছে। এসময়ত বিভিন্ন মূল্যৱান আৰু ঔষধি গছ-গছনিৰ বাবে বিখ্যাত এই বনাঞ্চলখনত বন বিভাগৰ ছত্ৰছাঁয়াতে ধ্বংস যজ্ঞ অব্যাহত আছে। বন বিভাগৰ অমনোযোগিতা আৰু গাফিলতিৰ বাবে চোৰাং কাঠ ব্যৱসায়ী তথা বেদখলকাৰীৰ কবলত পৰি এসময়ত বৰ্ষাৰণ্য ৰূপে পৰিচিত বনাঞ্চলখন সম্প্ৰতি ধ্বংসমুখী হৈ পৰিছে। বন বিভাগৰ সৈতে এটা অসাধু চক্ৰই গোপন মিতিৰালি কৰি বনাঞ্চলখনৰ ভিতৰত থকা বহু মূল্যৱান গছ-গছনি কাটি তহিলং কৰাৰ উপৰি বনাঞ্চলখনত চাহ বাগিচা গঢ়ি তুলিছে। আনহাতে, বনাঞ্চলখনৰ ভিতৰত তেল আৰু প্ৰাকৃতিক গেছ নিগম লিমিটেডে খাৰুৱা তেলৰ খনন আৰু উত্পাদনৰ বাবে বহুকেইটা তেল খাদ আৰু জি জি এছ স্থাপন কৰিবৰ বাবে

গুৱাহাটীঃ ৰাকেশ পাল বাহিনীৰ পৰা বক্র পথেৰে চাকৰি ক্রয় কৰি সম্প্রতি কাৰাগাৰত বন্দী হৈ থকা ৬জন এ পি এছ বিষয়াক বুধবাৰে চাকৰিৰ পৰা বর্খাস্ত কৰে ৰাজ্য চৰকাৰে৷ এটা নির্দেশযোগে এ পি এছ হেমন্ত শইকীয়া, জয়ন্ত কুমাৰ নাথ, যতীন্দ্র প্রসাদ বৰুৱা, দিলীপ কুমাৰ কলিতা, হর্ষজ্যোতি বৰা আৰু ছাবিৰা ইমৰানক  চৰকাৰে চাকৰিৰ পৰা বর্খাস্ত কৰে৷ লক্ষণীয় যে বর্খাস্ত হোৱাসকলৰ মাজৰে ছাবিৰা ইমৰান কংগ্রেছৰ প্রাক্তন ৰাজ্য সভাৰ সাংসদ নাজনীন ফাৰুকীৰ আত্মীয়৷ চাকৰিৰ পৰা বর্খাস্ত হোৱা সকলো প্রাক্তন ৰাজপত্রিত বিষয়াই ইতিমধ্যে নিলম্বিত হৈ আছিল৷ উল্লেখযোগ্য যে বক্র পথেৰে চাকৰি লোৱাৰ তথ্য-প্রমাণ পোৱাৰ পাছতে তেওঁলোকক গ্রেপ্তাৰ কৰিছিল তদন্তকাৰী ডিব্রুগড়ৰ আৰক্ষীয়ে৷ বিগত বর্ষৰ নৱেম্বৰ মাহৰ দ্বিতীয় সপ্তাহত তেওঁলোকক গ্রেপ্তাৰ কৰা হৈছিল৷ তেওঁলোক সম্প্রতি গুৱাহাটী কেন্দ্রীয় কাৰাগাৰত

নতুন দিল্লী :  নাগৰিকপঞ্জীয়ে ভাৰত আৰু বাংলাদেশৰ মাজত থকা সম্পর্কৰ ক্ষতি কৰিব৷ নাগৰিকপঞ্জীৰ সন্দর্ভত এটাৰ পাছত আন এটা বিতর্কিত মন্তব্য কৰা পশ্চিম বংগৰ মুখ্যমন্ত্রী মমতা বেনার্জীয়ে বুধবাৰে  এই মন্তব্য কৰে৷ যোৱা দুদিন ধৰি নতুন দিল্লীত বাহৰ পাতি থকা বেনার্জীয়ে  পুৱাই প্রবীণ বিজেপি নেতা লালকৃষ্ণ আদৱানিক দেখা কৰি নাগৰিকপঞ্জীয়ে দেশত ৰক্তক্ষয়ী গৃহ যুদ্ধৰ সৃষ্টি কৰিব বুলি অৱগত কৰে৷ তেওঁ কয় যে বিজেপিয়ে শীঘ্রেই নাগৰিকপঞ্জীৰ কাম বন্ধ কৰা উচিত৷ দেশৰ বৃহত্তৰ স্বার্থতে নাগৰিকপঞ্জীৰ কাম বন্ধ কৰাৰ ক্ষেত্রত প্রবীণ ৰাজনীতিবিদজনৰ সহায়ো বিচাৰে বেনার্জীয়ে৷ আদৱানিক দেখা কৰি ওলাই অহাৰ পাছত বেনার্জীয়ে সাংবাদিকৰ আগত কয় যে অসমত বাঙালী লোকসকল একেবাৰে অসুৰক্ষিত৷ পশ্চিম বংগৰ মুর্শ্বিদাবাদ জিলাৰ ৮৩৩জন অসমৰ কাৰাগাৰত বন্দী হৈ আছে বুলি জনাই তেওঁ কয়

গুৱাহাটী : গুৱাহাটী মহানগৰীৰ হাতীগাঁওস্থিত হাতীগাঁও হাইস্কুল চৌহদৰ লগতে শ্ৰেণীকোঠাত কৃত্ৰিম বানৰ ফলত একাঠু পানী জমা হোৱাত বিগত তিনিদিন ধৰি ব্যাহত হৈ আছে পাঠদান। উল্লেখ্য যে দুদিন পূৰ্বে হোৱা ধাৰাসাৰ বৰষুণে গুৱাহাটীৰ ভিন্ন প্ৰান্তত কৃত্ৰিম বানৰ সৃষ্টি কৰে। আন আন ঠাইৰ দৰে ৰাজধানীৰ নিচেই সমীপতে থকা শিক্ষানুষ্ঠানখনতো একাঠু পানীয়ে বুৰাই পেলায়। ফলত প্ৰথম আগষ্টৰ পৰা বিদ্যালয়খনত আৰম্ভ হোৱা পাঠদান আজি দ্বিতীয় দিনাও ব্যাহত হয়। গ্ৰীষ্মৰ বন্ধ ওকলি যোৱাৰ পিছত কালিৰে পৰা বিদ্যালয়খনত ছাত্ৰ-ছাত্ৰীসকলে পাঠগ্ৰহণ কৰিবলৈ উপস্থিত হয় যদিও শ্ৰেণীকোঠাত পানী জমা হোৱাত আজি ছাত্ৰ-ছাত্ৰীসকলে নিজেই পানী সিঁচি পাঠদানৰ বাবে উপযুক্ত কৰি তোলে। কিন্তু বিদ্যালয় চৌহদৰ চাৰিওপিনে পানী উপচি পৰাত পাঠদান কাৰ্যত পুনৰ ব্যাঘাত জন্মে। উল্লেখ কৰা বাহুল্য যে চৰকাৰী খণ্ডৰ