Day: July 20, 2018

কোকৰাঝাৰ: উৎকট গৰমে দহিছে ৰাজ্য। দিনক দিনে বাঢ়িছে সূৰ্য্যৰ উত্তাপ। পাৰাস্তম্ভ ৩৭ ডিগ্ৰী কোকৰাঝাৰত। প্ৰচণ্ড গৰম সহিব নোৱাৰি কোকৰাঝাৰত ঘটিল অঘটন। গৰম সহিব নোৱাৰি শুকুৰবাৰে নিৰাপত্তা বাহিনীৰ এজন নিহত আৰু আনজন গুৰুতৰ ভাৱে আহত হবলগীয়া হৈছে। প্ৰাপ্ত খবৰ অনুসৰি তিনি দিনীয়া কাৰ্যসূচীৰে কোকৰাঝাৰ আৰু ধুবুৰীলৈ ৰাজ্যপাল জগদীশ মুখীৰ ভ্ৰমণৰ শুকুৰবাৰে অন্তিম দিনা কোকৰাঝাৰৰ জিলা উপায়ুক্তৰ সৈতে নিৰাপত্তা দি থকা অৱস্থাতে ৮ বি এন অসম আৰক্ষী জোৱান লান্সনাইট ভদ্ৰ সিং নাৰ্জাৰীয়ে প্ৰচণ্ড গৰম সহিব নোৱাৰাত এই ঘটনা সংঘটিত হয়। হঠাৎ এনে ঘটনাৰ সন্মুখীন হোৱা আৰক্ষী জোৱান ভদ্ৰ সিং নাৰ্জাৰীক কোকৰাঝাৰ আৰ এন বি হষ্পিতালত ভৰ্তি কৰিবলৈ অনা হয় যদিও চিকিৎসকে মৃত্যু হোৱা বুলি ঘোষণা কৰে। মৃত জোৱান গৰাকী বঙাইগাঁওৰ মেচপাৰাৰ বাসিন্দা

ৰাজ্যজুৰি কৃষক মুক্তি সংগ্রাম সমিতিৰ এয়ােদশ প্রতিষ্ঠা দিৱস পালন গুৱাহাটী : আজি কৃষক মুক্তি সংগ্রাম সমিতিৰ এয়ােদশ প্রতিষ্ঠা দিৱস। অসমৰ অন্যতম জাতীয় সংগঠনটোৱে ৰাজ্যজুৰি শুকুৰবাৰে এই দিৱস পালন কৰিছে। সংগঠনটোৱে প্ৰতিখন জিলা আৰু আঞ্চলিকসমূহত এই দিৱস পালন কৰে। ২০০৫ চনৰ ২০ জুলাইৰ আজিৰ দিনটোতে তেজপুৰত কৃষক মুক্তি সংগ্রাম সমিতি গঠন হৈছিল। কৃষক মুক্তি সংগ্রাম সমিতি গঠন হােৱাৰ পৰা আজিলৈ অসমৰ জাতীয় জীৱনত অভূতপূর্ব এক সংগ্রামী ধাৰাৰে জনগণৰ অধিকাৰ সংগ্ৰামখনক এক নতুন মাত্রা দিবলৈ সংগঠনটোৱে সক্ষম হৈছে। ৰাজ্যখনৰ সম্পদৰ ওপৰত অসমবাসী ৰাইজৰ প্রকৃত অধিকাৰ প্রতিষ্ঠা, এক আধুনিক ভূমি সংস্কাৰ আন্দোলন গঢ়ি তােলা, থলুৱা প্রকৃত কৃষকৰ হাতত মাটিৰ স্বত্ত্ব কায়েম কৰা, ব্যক্তিগতকৰণ, উদাৰীকৰণ আৰু সাম্রাজ্যবাদী গােলকীকৰণৰ বিৰােধিতা কৰা, পৰিবেশ আন্দোলন গঢ়ি তােলা,

লিডু : ড্ৰাগছ, গাঞ্জা আদি মাদক দ্ৰব্যৰ ভয়াৱহতা সৰ্ম্পকে জনসাধাৰণক সচেতন কৰাৰ লক্ষ্যৰে শুকুৰবাৰে অসম জাতীয়তাবাদী যুৱ ছাত্ৰ পৰিষদৰ ভগ্নী সংগঠন জাতীয় মহিলা পৰিষদ ইনথেম শাখা সমিতিয়ে পেঙেৰী উচ্চ মাধ্যমিক বিদ্যালয়ত এখন ৰাজহুৱা সজাগতা সভা অনুষ্ঠিত কৰে৷ সভাত মাৰ্ঘেৰিটা তথা ইয়াৰ উপকূলীয় অঞ্চলসমূহত সুলভ হৈ পৰা ড্ৰাগছ- কানি-গাঞ্জা আদি নিচা জাতীয় দ্ৰব্য সমূহৰ অবাধ প্ৰচলন শীঘ্ৰেই বন্ধ কৰি এখন সুস্থ সমাজ গঠনৰ ক্ষেত্ৰত সকলোকে মাৰবান্ধি থিয় হৈ নিচা বৰ্জনৰ সংকল্প লবৰ বাবে সকলোকে আহ্বান জনোৱা হয়৷ সভাত বিশিষ্ট অতিথি উপস্থিত থাকে অসম জাতীয়তাবাদী যুৱ ছাত্ৰ পৰিষদৰ তিনিচুকীয়া জিলা সমিতিৰ উপদেষ্টাদ্বয় ক্ৰমে সঞ্জীৱ উলুপ, নৰেন্দ্ৰ শইকীয়া, ভাৰপ্ৰাপ্ত সাধাৰণ সম্পাদক কাঞ্চন বৰাৰ লগতে জাতীয় মহিলা পৰিষদৰ ৰাজ্যিক সম্পাদিকা মায়াৰানী লাহন গগৈ৷ প্ৰায়

জবকার্ডপ্ৰাপ্ত শ্ৰমিকৰ পৰিৱৰ্তে জে চি বি আৰু ট্ৰেক্টৰেৰে মথাউৰি নিৰ্মাণৰ অভিযোগ লাহৰীঘাট : দেশত প্ৰতিজন জবকার্ড প্ৰাপ্ত শ্ৰমিকক বছৰি অতি কমেও এশ দিনৰ কৰ্ম প্ৰদানৰ উদ্দেশ্যৰে প্ৰণোদিত এম জি এনৰেগা আঁচনিত উন্নয়নৰ নামত অব্যাহত ৰাখিছে লুণ্ঠনৰাজ। মৰিগাঁও জিলাৰ লাহৰীঘাট উন্নয়ন খণ্ডৰ অধীনস্থ পঞ্চায়ত সমূহত বিগত কেইবাবছৰ ধৰি অব্যাহত ৰাখিছে এনে অৰাজকতা। উল্লেখ্য যে, এই আঁচনিৰ অধীনত লাহৰীঘাট উন্নয়ন খণ্ডৰ অন্তৰ্গত গাঁও পঞ্চায়তসমূহত বিভিন্ন প্ৰকল্প নিৰ্মাণৰ নামত বিয়াগোম কেলেংকাৰী সংঘটিত কৰি এচাম কনিষ্ঠ অভিযন্তাকে ধৰি একাংশ পঞ্চায়ত প্ৰতিনিধিয়ে ধন আত্মসাৎ কৰি নিজৰ উদৰ পূৰণ কৰাত আবণ্টিত ধন অনুপাতে কাম নোহোৱাৰ গুৰুতৰ অভিযোগ উত্থাপিত হৈছে। এম জি এনৰেগা আচনিৰ সকলো নীতি-নিয়মক অংগুষ্ঠ প্ৰদৰ্শন কৰি জবকার্ড প্ৰাপ্ত শ্ৰমিকৰ সলনি জে চি বি আৰু

লিডু : তিনিচুকীয়া জিলাৰ অসম-অৰুণাচল সমান্তৱৰ্তী জাগুন “নগা ডুবি ” নামে এক ভিতৰুৱা এলেকাৰ পৰা বৃহস্পতিবাৰে নিশা ১৩ নং অসম ৰাইফলচ্ আৰু সেনাৰ শিখ ৰেজিমেন্টে যুতিয়া অভিযান চলাই তিনিজনকৈ দুৰ্ধৰ্ষ এন ডি এফ বি কেডাৰক গ্ৰেপ্তাৰ কৰাৰ পাছতে পুনৰ শুকুৰবাৰে লেখাপানী থানাৰ অন্তৰ্গত বালিজান গাঁৱৰ পৰা ১৩ নং অসম ৰাইফলচৰ এটা বৃহৎ বাহিনীয়ে পুৱাৰ ভাগত অভিযান চলাই এজন এন এ চি এন ( কে )ৰ লিংকমেন আটক কৰা ঘটনাই এলেকাটোত এতিয়া চাঞ্চল্যকৰ সৃষ্টি কৰিছে৷ এন এছ চি এনৰ সন্দেহত আটক কৰা ব্যক্তি জনৰ নাম নাগা চেমা ওৰফে আঁকা বুলি জানিব পৰা গৈছে। ধৃত ব্যক্তি জনে এন এছ চি এন (কে) দলৰ হৈ এলেকাটোত প্ৰচাৰ অভিযান চলাই অহাৰ লগতে সংগঠনটোক প্ৰয়োজনীয়

গুৱাহাটী: জ্যেষ্ঠ কংগ্ৰেছী নেতা অৰুণ তিৱাৰীৰ নিলম্বন উঠাই লােৱাৰ লগতে তেওঁক পুনৰ অসম প্রদেশ কংগ্ৰেছ কমিটীৰ সম্পাদক পদত বাহাল ৰাখিবলৈ এক নির্দেশ জাৰী কৰা হৈছে। অসম প্রদেশ কংগ্ৰেছ কমিটীৰ সাধাৰণ সম্পাদক (সাংগঠনিক) ৰঞ্জন বৰাৰ স্বাক্ষৰিত আৰু সভাপতি ৰিপুন বৰালৈ প্ৰেৰণ কৰা এক পত্ৰত উল্লেখ কৰা অনুসৰি জ্যেষ্ঠ কংগ্ৰেছী নেতা অৰুণ তিৱাৰীৰ নিলম্বন উঠাই লােৱাৰ লগতে তৎকালীনভাৱে কাৰ্যকৰী হােৱাকৈপুনৰ তেওঁক অসম প্রদেশ কংগ্ৰেছ কমিটীৰ সম্পাদক পদত বাহাল ৰখা হয়। উক্ত পত্ৰৰ প্রতিলিপি অসম বিধানসভাৰ বিৰােধী দলৰ দলপতি দেবব্রত শইকীয়ালৈয়াে প্রেৰণ কৰা হয়।  স্মর্তব্য যে গুৱাহাটীৰ এখন ব্যক্তিগত শিক্ষানুষ্ঠানৰ কৰ্মচাৰীক পিষ্টল দেখুওৱাৰ অভিযােগত অৰুণ তিৱাৰীক তৎকালীনভাৱে কাৰ্যকৰী হােৱাকৈঅসম প্রদেশ কংগ্ৰেছ কমিটীৰ সম্পাদক পদৰ লগতে প্রাথমিক সদস্য পদৰ পৰাও নিলম্বন কৰা হৈছিল। ইপিনে