Day: July 1, 2018

লামডিঙ : শনিবাৰ দিনটো সমগ্ৰ ৰাজ্যত বনমহোৎসৱ পালন কৰা হয়৷ তদুপলক্ষ্যে লামডিঙ বনবিভাগৰ উদ্যোগত ৬৯তম বনমহোৎসৱ পালন কৰে বনবিভাগ আৰু স্থানীয় বাসীন্দাসকলে৷প্ৰকৃতি সেউজ কৰাৰ উদ্দেশ্যে বনবিভাগে হাতত লয় এই কাৰ্যসূচী৷ লামডিঙত বিভিন্ন বিদ্যালয়ে বিদ্যালয়ে বনবিভাগৰ লোক উপস্থিত হৈ গছপুলি ৰোপন কৰাৰ লগতে বিনামূলীয়াকৈ বহুতো গছপুলিও বিতৰণ কৰে৷ অহা তিনি জুলাইত লামডিং বন বিভাগৰ উদ্যোগত সজাগতা বৃদ্ধিৰ উদ্দেশ্যত ছাত্ৰ-ছাত্ৰীৰ মাজত চিত্ৰাংকণ প্ৰতিযোগিতাৰ আয়োজন কৰাৰ লগতে প্ৰতিদিনে প্ৰায় এক হাজাৰ গছপুলি ৰোপণ কৰা হব বুলি লামডিং বন বিভাগে জানিবলৈ দিয়ে।এই কাৰ্যসূচীয়ে স্থানীয় লোকৰ মাজত প্ৰকৃতিক নকৈ সজাই তোলাৰ এটি নতুন জাগৰণৰ সৃস্টি কৰিছে৷তেখেত সকলৰ এই প্ৰয়াস অব্যাহত থাকিলে অসম সেউজীয়া হৈ উঠিব৷

লিডু : অসমত এতিয়া অতি উদ্বেগ জনক ভাবে মৃত্যু হবলৈ ধৰিছে এটাৰ পিছত আন এটা বন্যহস্তীৰ৷ৰাজ্যৰ বিভিন্ন প্ৰান্তত কে’বাটাও বনৰীয়া হাতীৰ মৃত্যু হোৱাৰ পাছত শনিবাৰে তিনিচুকীয়া জিলাৰ জাগুন বনাঞ্চলিক কাৰ্য্যালয়ৰ অধীনৰ নামফাই সংৰক্ষিত বনাঞ্চলত জাকৰ পৰা উলাই অহা এটা বনৰীয়া দতাল হাতী পুৱালীৰ মৃত্যুৰ ঘটনাই চাঞ্চল্যকৰ সৃষ্টি কৰিছে সমগ্ৰ মাৰ্ঘেৰিটা মহকুমাত৷ সংৰক্ষিত বনাঞ্চল খনৰ বেদখলকাৰীৰ এলেকাত মৃত্যু হোৱা হাতীটোক কোনো দুস্কৃতিকাৰীয়ে দাতৰ বাবে হত্যাৰ অপচেষ্টা চলোৱাৰ সন্দেহ প্ৰকাশ কৰিছে স্থানীয় ৰাইজে৷ বিগত বহু দিনৰ পৰা মৃত্যুৰে যুজি থকা হাতী পুৱালীটোক জাগুন বন বিভাগৰ তত্বাৱধানত যোৱাকালিৰে পৰা চিকিৎসা প্ৰদান কৰা হৈছিল যদিওঁ অৱশেষত মৃত্যু ঘটে হাতীটোৰ৷ উল্লেখ্য যে প্ৰকৃতি বিৰোধী একাংশ লোকৰ অবিবেচক চিন্তাধাৰাৰ বাবে সম্প্ৰতি বনাঞ্চলসমূহ ধ্বংসৰ গৰাহলৈ গতি কৰাৰ

ঢেকীয়াজুলি : কাৰ্বি আংলঙৰ ডকমকাত সােপাধৰাৰ সন্দেহত দুগৰাকী প্রতিভাৱান যুৱকক নিদাৰণভাৱে হত্যা কৰা ঘটনাৰ প্রতিক্রিয়া মাৰ নৌযাওঁতেই শােণিতপুৰ জিলাৰ ঢেকীয়াজুলিত মহিলাক সােপাধৰা সজাই লাইটৰ খুটাত বান্ধি অমানসিক অত্যাচাৰ চলায়৷ঘটনাৰ বিৱৰনি মতে,যোৱা নিশা ঠেলামৰা থানাৰ অন্তৰ্গত কাঠনিবাৰী গাঁৱত এগৰাকী মানসিক বিকাৰগ্ৰস্ত মহিলাক সোপাধৰা সন্দেহত, লাইটৰ খুটাত বান্ধি এদল লোকে শাৰীৰিক আৰু মানসিকভাৱে অমানসিক অত্যাচাৰ চলায়৷ এই ঘটনাক কেন্দ্ৰ কৰি অঞ্চলযোৰা তীৱ্ৰ চাঞ্চল্যই বিৰাজ কৰিছে। ঘটনা সন্দৰ্ভত আৰু জানিব পৰা মতে, ঠেলামৰা থানাৰ অন্তৰ্গত কাঠনিবাৰী গাঁৱত শুকুৰবাৰে মাজনিশা এগৰাকী মানসিক বিকাৰগ্ৰস্ত মহিলা গাঁওখনত বিচৰণ কৰি ফুৰাৰ খবৰ লাভ কৰি স্থানীয় লােকে আগ-পিছ কোনাে ধৰণৰ চিন্তা নকৰি মহিলাগৰাকীক সােপাধৰা বুলি সন্দেহ কৰি লাইটৰ খুটাত বান্ধি নির্যাতন চলায়। পাছত গাঁওখনৰে একাংশ সচেতন লােকে স্থানীয়

নলবাৰী : নলবাৰীৰ ধৰ্মপুৰৰ পৰা প্রতিনিধিত্ব কৰা তথা ৰাজ্য চৰকাৰৰ পৰিবহণ মন্ত্রী চন্দ্রমােহন পাটোৱাৰীৰ গৃহ জিলাৰ জিলা পৰিবহণ বিষয়াৰ কাৰ্যালয়ৰ কোঠাত নলবাৰীৰ উপায়ুক্তই তলা লগাই দিয়া ঘটনাই চাঞ্চল্যৰ সৃষ্টি কৰিছে। প্রাপ্ত বাতৰি মতে, শনিবাৰে পুৱা কেইজমান দর্শনার্থী বিশেষ কামত কার্যালয়টোলৈ আহে। অপেক্ষাৰ অন্তত দিনৰ ১২ বজা পর্যন্ত জিলা পৰিবহণ বিষয়া দিলীপ কুমাৰ দাস নহাত দর্শনার্থী এজনে ভিডিঅ’ ৰেকর্ডিং কৰি জিলা উপায়ুক্ত সঞ্জীৱ কুমাৰ দাসৰ ৱাটছএপত প্ৰেৰণ কৰে। লগে লগে জিলা উপায়ুক্তই নিজে কার্যালয়টোত উপস্থিত হৈ অকর্তৃত্বশীলভাৱে উপস্থিত নথকা জিলা পৰিবহণ বিষয়াৰ কোঠাটোত তলা লগাই দিয়ে।  উপায়ুক্তগৰাকীয়ে কার্যালয়টোত চলি থকা দুর্নীতিৰ বিৰুদ্ধে জড়িত কৰ্মচাৰীৰ নাম নােলােৱাকৈ ধমকি দিয়ে। উল্লেখ্য যে লাইচেঞ্চ প্রদানত জড়িত এগৰাকী কেজুৱেল কৰ্মচাৰীৰ আঙুলিৰ নিৰ্দেশত চলি আহিছে কার্যালয়টোৰ

গুৱাহাটী : অসম লোকসেৱা আয়োগৰ সর্ববৃহৎ কেলেংকাৰিৰ তদন্ত চমু চাপিছে৷ এমাহ বা ডেৰ মাহৰ ভিতৰত ডিব্রুগড়ৰ আৰক্ষীয়ে তদন্তৰ অন্ত পেলাব৷ কেৱল আদালতৰ মজিয়াত চলি থাকিব বিচাৰ প্রক্রিয়া৷ ইতিমধ্যে চাকৰিৰ পৰা বর্খাস্ত হোৱা ঘোচখোৰ ৰাজপত্রিত বিষয়াসকলৰ এতিয়া কেৱল আইনী যুঁজ চলাই যোৱাৰ বাহিৰে কোনো বিকল্প পথ নাথাকিব৷ ডিব্রুগড়ৰ আৰক্ষীয়ে সদৰী কৰা অনুসৰি এসপ্তাহৰ ভিতৰত ফৰেনছিক পৰীক্ষাৰ সকলো প্রতিবেদন আৰক্ষীয়ে লাভ কৰিব আৰু এমাহ বা ডেৰমাহৰ ভিতৰত তদন্ত সম্পূর্ণ হ’ব৷ আৰক্ষীয়ে আশা কৰা অনুসৰি বিয়াগোম কেলেংকাৰিটোৰ তদন্তৰ চূড়ান্ত অভিযোগনামা ১৫ আগষ্টৰ ভিতৰত দাখিল কৰিব৷ বিশেষ ন্যায়াধীশৰ আদালতত চূড়ান্ত অভিযোগনামা দাখিল কৰাৰ পাছত কাৰাৰুদ্ধ হৈ থকা ৰাজপত্রিত বিষয়াসকলৰ ভৱিষ্যৎ ন্যায় ব্যৱস্থাৰ ওপৰত নির্ভৰ কৰিব৷ সম্প্রতি চৰকাৰে ভালেকেইজন বিষয়াক চাকৰিৰ পৰা নিলম্বন কৰাই নহয়,