Day: June 21, 2018

গুৱাহাটী : নতুন দিল্লীস্থিত অনুজ পোদ্দাৰ নামৰ এজন লোকজনৰ বাসগৃহত আয়কৰ বিভাগৰ দ্বাৰা চলোৱা এক অভিযানত কিছুমান ৰাজ্যৰ মন্ত্ৰী তথা উচ্চ বিষয়াৰ উপৰিও অসম চৰকাৰৰ এজন প্ৰভাৱশালী মন্ত্ৰীৰ লগত লোকজনৰ সংযোগৰ তথ্য তথা অসম চৰকাৰৰ কিছু বিভাগৰ প্ৰকল্প আৰু নিবিদাৰ নথি-পত্ৰ উদঘাটন হোৱা বিষয়টোক লৈ মুখ্যমন্ত্ৰী সৰ্বানন্দ সোণোৱালক নিজৰ স্থিতি ৰাজহুৱা কৰিবলৈ আৰু নিজৰ তত্বাৱধানত বিষয়টোৰ সঠিক তদন্ত কৰাই উচিত ব্যৱস্থা ল’বলৈ অসম বিধানসভাৰ বিৰোধী দলপতি দেৱব্ৰত শইকীয়াই দাবী জনাইছে। মুখ্যমন্ত্ৰীলৈ প্ৰেৰণ কৰা এক পত্ৰত শইকীয়াই এইবুলি উল্লেখ কৰে যে যে, আয়কৰ বিভাগে ইতিমধ্যে দালাল পোদ্দাৰ আৰু মন্ত্ৰীগৰাকী সম্পৰ্কৰ বিষয়ে নিজৰ প্ৰতিবেদনত উল্লেখ কৰিছে। এনে প্ৰাথমিক অভিযোগ অসমৰ ৰাইজৰ বাবে অতি উদ্বেগৰ কথা কাৰণ এইটোৱে মুখ্যমন্ত্ৰীৰ নিকা প্ৰশাসন আৰু “ভ্ৰষ্টাচাৰৰ

তিতাবৰ: কাৰ্বি আংলঙৰ ডকমকাত যোৱা ৮ জুনত প্ৰকৃতিৰ সন্দৰ্য্যৰ সন্ধানত গৈ অকথ্য নৃশংসতাৰ বলি হোৱা দুই অসমীয়া যুৱক নিলোৎপল দাস আৰু অভিজিৎ নাথৰ সোঁৱৰণত বৃহস্পতিবাৰে তিতাবৰ ৰঙাজানৰ কৈৱৰ্ত সম্প্ৰদায়ৰ ৰাইজে ৰাজহুৱা আদ্যশ্ৰাদ্ধ অনুষ্ঠিত কৰি মৃতকৰ আত্মাৰ সদগতি কামনাৰে নাম প্ৰসংগৰ আয়োজন কৰে। গাঁৱৰ অৰ্ধশতাধিক পুৰুষ মহিলা, যুৱক-যুৱতী, আবাল, বৃদ্ধ-বণিতা সকলোৱে অভিজিৎ আৰু নিলোৎপলৰ প্ৰতিচ্ছবিত শ্ৰদ্ধাঞ্জলি জনাই সমূহীয়া নাম প্ৰসংগত অংশগ্ৰহণ কৰি অসমত এনেকুৱা ঘটনা পুনৰাবৃত্তি নহয় তাৰ বাবেও ভগৱানৰ ওচৰত পাৰ্থন জনায়। গাওঁবাসীয়ে নৃশংস হত্যাকাণ্ডত জড়িতক দৃষ্টান্তমূলক শাস্তি প্ৰদান কৰাৰ দাবী জনায় আৰু ভৱিষ্যতৰ দিনত এনেকুৱা সমাজ বিধেষী ঘটনা যাতে নহয় তাৰ বাবে চৰকাৰে ক্ষীপ্ৰ ব্যৱস্থা গ্ৰহণ কৰাৰ আহ্বান জনায়। চৰকাৰক অন্ধবিশ্বাসৰ বিৰুদ্ধে শক্তিশালী আঁচনি গ্ৰহণ কৰি সমাজৰ সোপাধৰা, ডাইনী

লাহৰীঘাট : মৰিগাঁও জিলাৰ লাহৰীঘাট আৰক্ষী থানাৰ অন্তৰ্গত ধূপগুৰি চাৰিআলিত লাহৰীঘাট আৰক্ষী থানাৰ সহযোগত বৃহস্পতিবাৰে বিয়লি প্ৰায় তিনি বজাত এখনি সজাগতা সভা অনুষ্ঠিত হয়। সমাজত অব্যাহত থকা সোপাধৰা, এন আৰ চিৰ চূড়ান্ত খচৰাত নাম নাথাকিলে হ’ব পৰা বিপদ আদি উৰা বাতৰি প্ৰতিৰোধ কৰা সন্দৰ্ভত অনুষ্ঠিত সভাখনত শতাধিক অঞ্চলবাসী ৰাইজে অংশগ্ৰহণ কৰে। সভাখনত লাহৰীঘাট আৰক্ষী থানাৰ ভাৰপ্ৰাপ্ত বিষয়া প্রসেনজিৎ দাসে এনে উৰা বাতৰিত ভূল নাযাবলৈ অঞ্চলবাসী ৰাইজক সজাগ হ’বলৈ অনুৰোধ জনায়। ইয়াৰোপৰি সোপাধৰা সন্দৰ্ভত ডকমকাৰ জঘন্য কাণ্ডৰ বিষয়ে বিতংভাৱে আলোচনা কৰে। ভাৰপ্ৰাপ্ত বিষয়া গৰাকীয়ে ৰাইজৰ বিভিন্ন প্ৰশ্নৰ উত্তৰত জানিবলৈ দিয়ে যে— এন আৰ চিৰ কাম-কাজ উচ্চতম ন্যায়ালয়ৰ তত্বাৱধানত চলি আছে আৰু কোনোপধ্যেই কোনো বাংলাদেশীৰ নাম অন্তৰ্ভূক্ত বা কোনো প্ৰকৃত ভাৰতীয়ৰ নাম

মৰাণ : ৰেগিঙৰ নামত দুজনকৈ নৱাগত ছাত্ৰক জ্যেষ্ঠ ছাত্ৰই নিৰ্মমভাৱে প্ৰহাৰ কৰাক কেন্দ্ৰ কৰি বৃহস্পতিবাৰে উতপ্ত হৈ পৰে মৰাণৰ আগশাৰীৰ শিক্ষানুষ্ঠান মৰাণ জুনিয়ৰ কলেজ। ডিব্ৰুগড় জিলাৰ মৰাণৰ অন্যতম আগশাৰীৰ শিক্ষানুষ্ঠান মৰাণ জুনিয়ৰ কলেজত ৰেগিঙক কেন্দ্ৰ কৰি সৃষ্টি হৈছে এনে অভাৱনীয় পৰিস্থিতি৷ শিক্ষানুষ্ঠানখনত চলিত বৰ্ষৰ শিক্ষাদান আৰম্ভ হোৱাৰ পাছৰে পৰা দ্বাদশ শ্ৰেণীৰ একাংশ ছাত্ৰই নৱাগত ছাত্ৰ-ছাত্ৰীসকলক ৰেগিঙৰ নামত শাৰীৰিক আৰু মানসিকভাৱে শাৰাশাস্তি কৰি অহাৰ অভিযোগ উত্থাপন হৈছে৷ অভিযোগ অনুসৰি চলিত বৰ্ষত একাদশ শ্ৰেণীত নামভৰ্তি কৰা আফতাবুৰ ৰহমান আৰু ঋষভ কোঁৱৰ নামৰ ছাত্ৰ দুজনক বিগত কেইবাদিনো ধৰি শাৰিৰীক আৰু মানসিক অত্যাচাৰ কৰি আহিছে দ্বাদশ শ্ৰেণীৰ একাংশ ছাত্ৰই৷ বৃহস্পতিবাৰেও পুনৰ আফতাবুৰ ৰহমানক শ্ৰেণীকোঠাতে দলবদ্ধভাৱে প্ৰহাৰ কৰে একাংশ ছাত্ৰই৷ বিভিন্ন অজুহাতত ছাত্ৰ কেইজনক প্ৰহাৰ

সজাগতা সৃষ্টিৰে বাইক ষ্টান্ট কৰোতা কিশোৰসকলকৰ জীৱন ৰক্ষাৰ আহ্বান চিৰাং ব্যুৰ’ : চিৰাং জিলা পৰিবহন বিভাগে পথ দুৰ্ঘটনা ৰোগ কৰাৰ উদ্দেশ্যে হঠাতে বাইক ষ্টান্ট কৰোতাসকলৰ বিৰুদ্ধে কঠোৰ স্থিতি গ্ৰহণ কৰি এক ব্যাতিক্ৰমী অভিযান চলায়। মূলত সজাগতা সৃষ্টিৰ উদ্দেশ্যে এই ধৰনৰ কাৰ্য্যসুচী গ্ৰহন কৰাৰ কথা সদৰি কৰে জিলা পৰিবহন বিষয়া ধ্বজেন বসুমতাৰীয়ে। পৰিবহন বিষয়াজনে নিজেই তেওঁৰ কেইজন মান কাৰ্য্যালয় সহযোগি লগত লৈ জিলাখনৰ বাসুগাঁও চহৰৰ পৰা বৃহস্পতিবাৰে আৰম্ভ কৰে এই ব্যাতিক্ৰমি প্ৰয়াস৷ জিলা পৰিবহন বিষয়াজনে জনায় যে— শেহতীয়াকে চিৰাং জিলাৰ বিভিন্ন ঠাইত কিশোৰসকলে বাইক ষ্টান্ট কৰাৰ অভিযোগ পোৱাত প্ৰথমে বাসুগাঁও চহৰত সজাগতামূলক এই অভিযানত নামি পৰে জিলা পৰিবহন বিভাগে। সৰ্বসাধাৰণৰ মাজত সজাগতা সৃষ্টিৰ উদ্দেশ্যে আৰু পথ দুৰ্ঘটনা ৰোধ কৰাৰ বাবে বাইক

কোকৰাঝাৰ : কোকৰাঝাৰ-ধুবুৰী জিলাৰ সীমান্তৱৰ্তী তথা বিলাসীপাৰা সদৰ চহৰৰ সমীপৱৰ্তী মালগাঁও বগুলাউৰাত সামাজিক মুখলজ্জাৰ ভয়ত এগৰাকী ধৰ্ষিতাৰ পিতৃয়ে চিপ লৈ আত্মহত্যা কৰাৰ দৰে এক লোমহৰ্ষক কাণ্ড সংঘটিত হয়৷ আজিজুল হক নামৰ এক লম্পট যুৱকে সপ্তম শ্ৰেণীৰ ছাত্ৰী এগৰাকীক ধৰ্ষণ কৰাৰ বাবেই লাজে অপমানে জৰ্জৰিত হৈ বৃহস্পতিবাৰে আত্মহত্যাৰ পথ বাচি ললে ধৰ্ষিতা ছাত্ৰীগৰাকীৰ পিতৃয়ে। কন্যা ধৰ্ষিতা হোৱাৰ বাবেই পিতৃয়ে চিপ লৈ আত্মহত্যা কৰা ঘটনাই সমগ্ৰ অঞ্চলটোত তীব্ৰ চাঞ্চল্যৰ সৃষ্টি হৈছে। ঘটনাৰ বিৱৰণী মতে আজিজুল হক নামৰ এগৰাকী লম্পট যুৱকে বুধবাৰে বিয়লিৰ ভাগত সপ্তম শ্ৰেণীৰ ছাত্ৰী এগৰাকীক অপহৰণ কৰে। লম্পট যুৱকজনে ছাত্ৰীগৰাকীক অপহৰণ কৰি প্ৰথমে পাহাৰীয়া অঞ্চল কৈমাৰীলৈ নিয়ে আৰু ধৰ্ষণ কৰে। তাৰ পিছত লম্পট যুৱকগৰাকীয়ে ছাত্ৰীগৰাকীক বিলাসীপাৰাৰ হাজাৰীপাৰা অঞ্চললৈ নি ধৰ্ষণ

লাহৰীঘাট : মৰিগাঁও জিলাৰ লাহৰীঘাট আৰক্ষী থানাৰ অন্তৰ্গত কুশতলি এন আৰ চি কেন্দ্ৰত মঙলবাৰে এগৰাকী মহিলাই হাতত এটি পিষ্টল আৰু এটি বন্দুক লৈ এন আৰ চি কেন্দ্ৰত প্ৰবেশ কৰাত কেন্দ্ৰটোত হুৱা-দুৱা লাগে। পিছত নিৰাপত্তাৰক্ষীয়ে মহিলাগৰাকীৰ পৰা মাৰণাস্ত্ৰ জব্দ কৰাৰ লগতে লাহৰীঘাট আৰক্ষী থানাৰ ভাৰপ্ৰাপ্ত বিষয়াৰ নেতৃত্বত এটি আৰক্ষীৰ দল কেন্দ্ৰটোত উপস্থিত হৈ মহিলাগৰাকীক আটক কৰে। ইয়াৰ উপৰি আৰক্ষীৰ উচ্চ পদস্থ বিষয়াই মহিলাগৰাকীৰ বাসগৃহতো তালাচী চলায়। মাৰণাস্ত্ৰ লৈ এন আৰ চি কেন্দ্ৰত প্ৰবেশ কৰা মহিলা গৰাকী চম্পা বড়ো মানসিকভাৱে বিকাৰগ্ৰস্ত বুলি জানিব পৰা গৈছে। চম্পা বড়োৰ স্বামী এজন সেনা জোৱান আছিল। মহিলাগৰাকীৰ এগৰাকী কন্যা সন্তান জন্ম হোৱাৰ পিছৰে পৰা মানসিকভাবে বিকাৰগ্ৰস্ত হোৱা বুলি একাংশই জানিবলৈ দিয়ে। বিগত ১৩ বছৰ আগতে সেনা